• У прыватнасці, дырэктывай вызначана дзяржорганам і службовым асобам не дапускаць умяшанне ў кампетэнцыю іншых дзяржорганаў і службовых асоб, г. зн. акрэслены канкрэтны функцыянал, які замацоўваецца за кожным з органаў дзяржкіравання.

Член Пастаяннай камісіі Палаты прадстаўнікоў па міжнародных справах Аляксандр Шпакоўскі з гэтай нагоды ў эфіры «Альфа-Радыё» звярнуў увагу, што ў аснове любых паспяховых і эфектыўных кіраўніцкіх дзеянняў дзяржавы знаходзіцца, у першую чаргу, выканальніцкая дысцыпліна, субардынацыя, службовая этыка і гэтак далей.

— І разам з тым дысцыпліну не варта блытаць з арганізацыяй бясконцых праверак, нарад, розных кантрольных мерапрыемстваў з боку вышэйстаячых інстанцый, альбо перакрыжаванага кантролю. Гэта крыху іншае.

Наадварот, калі адбываецца празмернае нагнятанне алармісцкіх настрояў бясконцымі нарадамі, працоўнымі групамі, лятучкамі і да т. п., гэта ўносіць у работу органаў дзяржаўнай улады непатрэбныя бязладдзе і хаос, растлумачыў Аляксандр Шпакоўскі:

— У сувязі з гэтым кіраўнік дзяржавы Дырэктывай № 11 імкнецца дабіцца павышэння якасці эфектыўнасці дзяржаўнага кіравання ў нашай краіне, што будзе садзейнічаць рэалізацыі тых амбіцыйных задач, якія вызначаны на найбліжэйшую пяцігодку.

Акрамя таго, Аляксандр Шпакоўскі падкрэсліў, што падобнага роду дырэктыўныя дакументы не нараджаюцца на пустым месцы:

— Яны нараджаюцца на аснове раней атрыманай і старанна прааналізаванай інфармацыі. У пэўных ведамствах, арганізацыях, у тым ліку на месцах, крыху перабіраюць з бюракратыяй.

Ён нагадаў пра існаванне яшчэ адной дырэктывы Прэзідэнта аб дэбюракратызацыі дзяржаўнага апарату, якая не заўсёды выконваецца ў поўнай меры:

— А часам, наадварот, колькасць разнастайных бюракратычных «рагатак» у працэсе дзяржаўнага кіравання вырасла ў параўнанні з ранейшымі гадамі. У гэтай сувязі, вядома, неабходна навядзенне парадку. Калі мы ўпарадкуем сістэму прыняцця рашэнняў, дзяржаўнага кіравання, пазбавім дзяржслужачых ад неўласцівых ім функцый і перавядзём усе гэтыя працэдуры ў больш аператыўны рэжым, гэта не значыць, што мы адмаўляемся ад дадзеных інструментаў. Таму мы імкнёмся знізіць колькасць падобных сустрэч. Такі падыход уяўляецца правільным і адаб’ецца вельмі спрыяльна на дзяржаўным кіраванні.

Дырэктывай вызначана, што адной з галоўных задач аптымізацыі кіраўніцкай дзейнасці з’яўляецца выключэнне неабгрунтаванага правядзення нарад, у тым ліку ў дыстанцыйным фармаце; спыненне фарміравання і функцыянавання саветаў, камісій, груп, іншых структур, акрамя непасрэдна прадугледжаных заканадаўчымі актамі.

Старшыня Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце Валянцін Семяняка адзначыў з гэтай нагоды, што ёсць рознага кшталту камісіі, сам факт стварэння якіх даволі сумнеўны:

— За формай не заўсёды стаіць змест, таму ад тых камісій, якія не адпавядаюць па сваёй форме зместу, трэба адмовіцца. У бытнасць намеснікам старшыні райвыканкама я ўзначальваў каля 17 такіх камісій. Калі нават па адной на месяц праводзіць, то гэта атрымліваецца практычна праз дзень, а то і кожны дзень.

На думку парламентарыя, асноўны сэнс гэтага рашэння заключаецца ў тым, каб павысіць персанальную адказнасць кіраўнікоў дзяржаўных органаў, кіраўнікоў структурных падраздзяленняў:

— І не трэба прыкрывацца гэтай калектыўнай адказнасцю.

• Дырэктывай таксама вызначаецца дасягненне нулявой бюракратыі адной са стратэгічных задач усёй сістэмы дзяржаўнай улады.

Аналітык аддзялення БІСД па Брэсцкай вобласці Сяргей Жук адзначае:

— Дзяржавай узяты высокі тэмп выканання абяцанняў, зафіксаваных у перадвыбарнай праграме Прэзідэнта. Прыняцце дырэктывы накіравана на забеспячэнне нулявой бюракратыі ў Беларусі. Павышэнне якасці дзяржаўнага кіравання — адказ на выклікі свету, які ўсё больш паскараецца, фарміраванне новых пагроз.

Ён перакананы, што хуткае, узважанае і эфектыўнае прыняцце рашэнняў, якаснае іх выкананне, стварэнне ўмоў для паспяховай камунікацыі стане важным фактарам павышэння якасці жыцця грамадства і ўзмацнення эканамічнага патэнцыялу.

Па словах аналітыка, лічбавізацыя дзейнасці дзяржаўных органаў дазволіць павысіць якасць кіраўніцкіх рашэнняў. Такі падыход таксама адкрые магчымасці стварэння актуальнай для сучаснага грамадства (перш за ўсё для маладога пакалення) так званай дзяржавы ў тэлефоне.

— Інфарматызацыі і дыджыталізацыі ўзаемадзеяння органаў улады і арганізацый будзе садзейнічаць укараненне адзінай інфармацыйнай сістэмы аператыўнай і ведамаснай справаздачнасці, — лічыць эксперт.

• Ствараюцца ўмовы для павышэння якасці кіравання на месцах па формуле «больш магчымасцяў — вышэйшая адказнасць».

Сяргей Жук вылучыў яшчэ адзін акцэнт дырэктывы:

— У гэтых адносінах дакумент развівае палажэнні прынятага ў лютым указа «Аб узмацненні ролі старшыняў выканаўчых камітэтаў базавага ўзроўню». Павышэнне працоўнай і выканальніцкай дысцыпліны — няўхільнае патрабаванне кіраўніка дзяржавы. І яе ўмацаванне, асабліва ў пяцігодку якасці, вельмі важна для функцыянавання сістэмы дзяржаўнай улады. Ініцыятыва, адказнасць, інфарматызацыя — асноўныя акцэнты шляху развіцця беларускай сістэмы дзяржаўнага кіравання, — падсумаваў аналітык.

• У сферы выканальніцкай дысцыпліны, мабыць, варта адзначыць задачы, якія вызначаны ў дырэктыве як прыярытэтныя для дзяржавы. І тут на першым радку тое, на што не раз звяртаў увагу Прэзідэнт, — забеспячэнне паўнавартаснага ўдзелу ўсіх працаздольных грамадзян у эканоміцы краіны. Следам ідуць дасягненне высокага ўзроўню выканальніцкай дысцыпліны; выхаванне культуры адказнасці кожнага за рашэнні, якія прымаюцца, і якасць працы; выхаванне моладзі ў духу патрыятызму і стымуляванне патэнцыялу моладзі ў інтарэсах беларускага грамадства.

На­мес­нік стар­шы­ні Па­ста­ян­най ка­мі­сіі Са­ве­та Рэс­пуб­лі­кі па эка­но­мі­цы, бюд­жэ­це і фі­нан­сах, стар­шы­ня праў­лен­ня ААБ «Бе­ла­рус­банк» Вік­тар Ана­ніч вы­ка­заў упэў­не­насць, што дыс­цып­лі­на — най­важ­ней­шы склад­нік не толь­кі эфек­тыў­най ра­бо­ты лю­бо­га прад­пры­ем­ства, але і за­лог імі­джу і рэ­пу­та­цыі:

— Гэ­ту дум­ку па­ста­ян­на да­но­шу да ка­лек­ты­ваў уста­ноў бан­ка па ўсёй кра­і­не. Для фі­нан­са­ва­га сек­та­ра асаб­лі­ва важ­на, каб усе біз­нес-пра­цэ­сы пра­ца­ва­лі як на­дзей­ны га­дзін­нік. Пла­ця­жы па­він­ны апра­цоў­вац­ца мак­сі­маль­на апе­ра­тыў­на, рэ­ак­цыя на ашу­кан­скія дзе­ян­ні так­са­ма па­він­на быць ім­гнен­най. І гэ­та ўсё маг­чы­ма толь­кі ў тым вы­пад­ку, ка­лі ра­бот­ні­кі свое­ча­со­ва пры­хо­дзяць на пра­цу, вы­кон­ва­юць рэг­ла­мент­ныя пе­ра­пын­кі, ад­каз­на вы­ра­ша­юць за­да­чы кож­ны на сва­ім участ­ку.

Ён пад­крэс­ліў: дыс­цып­лі­на ў пла­не су­праць­дзе­ян­ня ка­руп­цыі, вы­да­ван­ня ка­мер­цый­най тай­ны, пер­са­наль­ных да­ных важ­ная з пунк­ту гле­джан­ня рэ­пу­та­цыі.

— На пры­кла­дзе «Бе­ла­рус­бан­ка» ма­гу ска­заць: ка­лі кі­раў­ні­кі ўсіх уз­роў­няў бу­дуць транс­лі­ра­ваць сва­ім ка­лек­ты­вам важ­насць пад­тры­ман­ня дыс­цып­лі­ны ва ўсіх яе пра­явах, а яшчэ лепш па­цвяр­джаць усё аса­біс­тым пры­кла­дам, прад­пры­ем­ства бу­дзе па­спя­хо­вым і эфек­тыў­ным, а пра­дук­цыя, якая вы­пус­ка­ец­ца, ці па­слу­гі, якія аказ­ва­юц­ца, — якас­ны­мі.

• Забеспячэнне інфармацыйнай бяспекі як адно з найважнейшых патрабаванняў выканальніцкай дысцыпліны вынесена ў дырэктыве ў асобны пункт.

Уліч­ва­ю­чы, як сур'­ёз­на ста­віц­ца да пы­тан­няў дыс­цып­лі­ны лі­дар дзяр­жа­вы, транс­лі­ру­ю­чы важ­насць яе вы­ка­нан­ня на ўсіх уз­роў­нях, кож­на­му кі­раў­ні­ку важ­на вы­хоў­ваць у сва­іх ка­лек­ты­вах кар­па­ра­тыў­ную куль­ту­ру, пад­мур­кам якой як­раз і па­він­на стаць дыс­цып­лі­на, — ак­цэн­та­ваў ува­гу се­на­тар.

• Кіраўнікоў дзяржаўных органаў і іншых арганізацый дырэктыва абавязвае ў падначаленых суб'ектах стварыць умовы недапушчальнасці і нецярпімасці парушэнняў выканальніцкай дысцыпліны ва ўзначаленым дзяржаўным органе (арганізацыі); павысіць патрабавальнасць да парушальнікаў выканальніцкай дысцыпліны, укараняць аўтаматызаваныя або іншыя сістэмы ўліку працоўнага часу, забяспечваць кантроль за эфектыўнасцю вынікаў працы.
• Таксама кіраўнікам дырэктывай прадпісана стымуляваць захаванне і замацаванне высокакваліфікаваных кадраў, укараняць дзейсныя сістэмы матывацыі і заахвочвання эфектыўнай работы і прафесійнага развіцця супрацоўнікаў, паляпшаць умовы працы; прыняць вычарпальныя меры па выкананні фінансавай дысцыпліны, эфектыўным выкарыстанні дзяржаўных сродкаў, мэтавым і беражлівым распараджэнні дзяржаўнай маёмасцю, яе выкарыстанні.

І гэ­та не­вы­пад­ко­ва: у су­час­ным тэх­на­ла­гіч­ным све­це ме­на­ві­та ін­фар­ма­цыя з'яў­ля­ец­ца і са­мым да­ра­гім та­ва­рам, і са­май ма­гут­най збро­яй.

І па­тра­ба­ван­не за­хоў­ваць ін­фар­ма­цый­ную бяс­пе­ку да­ты­чыц­ца не толь­кі дзярж­ор­га­наў, але і кож­на­га з нас. На­ват прос­та ад­крыў­шы на ра­бо­чым кам­п'ю­та­ры не­вя­до­мае пісь­мо або файл, мож­на на­нес­ці знач­ны ўрон свай­му прад­пры­ем­ству і не толь­кі. Не ка­жу­чы ўжо пра рас­паў­сюдж­ван­не не­аса­біс­тай ін­фар­ма­цыі ў са­цы­яль­ных сет­ках.

• З поў­ным тэкс­там Ды­рэк­ты­вы № 11 «Аб удас­ка­на­лен­ні функ­цы­я­на­ван­ня сіс­тэ­мы ор­га­наў ула­ды і кі­ра­ван­ня, уз­мац­нен­ні вы­ка­наль­ніц­кай дыс­цып­лі­ны» мож­на азна­ё­міц­ца на на­шым сай­це zvіazda.by.

Фота з адкрытых крыніц