Top.Mail.Ru

Эксперты на вэбінары НЦЗПІ растлумачаць, што трэба ўлічваць пры вядзенні дзейнасці ў сферы аграэкатурызму

Абноўлены парадак ажыццяўлення дзейнасці па аказанні паслуг у сферы аграэкатурызму, які ўстаноўлены ўказам № 275 ад 18 жніўня 2026 года, растлумачаць эксперты 20 лістапада ў прамым эфіры на вэбінары Нацыянальнага цэнтра заканадаўства і прававой інфармацыі (НЦЗПІ), паведамляе БелТА.

Адкрытая трансляцыя вэбінара «Аграэкатурызм. Што варта ўлічваць пры вядзенні дзейнасці?» пачнецца ў 10.30 на YouTube-канале НЦЗПІ.

У студыі выступяць прадстаўнікі Нацыянальнага агенцтва па турызме. Спікеры раскажуць аб ключавых новаўвядзеннях у сферы аграэкатурызму, больш падрабязна спыняцца на такіх пытаннях, як падтрымка аграэкасядзіб (ільготнае крэдытаванне і замена падатку на прафдаход спецыяльным зборам за паслугі аграэкатурызму), рэестр суб’ектаў аграэкатурызму (ключавыя функцыі і парадак вядзення); абноўленыя ўмовы работы і патрабаванні да аграэкасядзіб.

Будуць асветлены ключавыя навацыі галіновага заканадаўства ў сувязі з прыняццем указа № 275. 

Традыцыйна па тэме вэбінара можна задаваць пытанні. Накіроўваць іх трэба на электронную пошту nczpionline@center. gov. by да 11.00 20 лістапада. Адказы прагучаць у ходзе прамога эфіру.


arrow
Нашы выданні

Толькі самае цікавае — па-беларуску!

Напішыце ў рэдакцыю