«У ноч на 9 студзеня Беларусь апынулася ва ўладзе магутнага цыклона „Улі“, які прынёс моцныя снегапады, мяцеліцу і шквалісты вецер. Стыхія парушыла работу энергасістэмы ў шэрагу рэгіёнаў, аднак дзякуючы аператыўнаму рэагаванню энергетыкаў абстаноўку атрымліваецца стабілізаваць. Энергетыкі працуюць у кругласутачным рэжыме для аднаўлення энергазабеспячэння», — адзначылі ў «Белэнерга».

Па стане на 10.00 9 студзеня, аднаўленчыя мерапрыемствы працягваюцца ў 24 населеных пунктах, пераважна ў Віцебскай і Гомельскай абласцях.

Для аператыўнага аднаўлення энергазабеспячэння мабілізаваны ўсе неабходныя сілы і сродкі. На дадзены момант у ліквідацыі аварый задзейнічана 18 аварыйна-аднаўленчых брыгад і 19 адзінак спецтэхнікі. Работы вядуцца бесперапынна ва ўмовах непагадзі, якая працягваецца

Паводле прагнозаў сіноптыкаў, складаныя ўмовы надвор’я захаваюцца на працягу дня. ДВА «Белэнерга» звяртаецца да жыхароў краіны з просьбай захоўваць асцярожнасць і быць уважлівымі да паведамленняў мясцовых улад і энергетычных службаў.