Прэзідэнт Беларусі Аляксандр Лукашэнка зыходзячы з прынцыпаў гуманізму памілаваў 52 зняволеных. Пра гэта паведаміла прэс-сакратар беларускага лідара Наталля Эйсмант, перадае БелТА.
«Так, сёння Прэзідэнтам Беларусі памілаваныя 52 чалавекі. Зыходзячы з прынцыпаў гуманізму. Улічваўся таксама ўзрост асуджаных, стан здароўя, пытанні ўз’яднання сем’яў», — расказала прэс-сакратар.
Яна дадала, што ў ліку памілаваных — «лідары і ўдзельнікі экстрэмісцкіх, тэрарыстычных арганізацый, удзельнікі масавых беспарадкаў, прадстаўнікі экстрэмісцкіх і дэструктыўных СМІ». Усе памілаваныя сёння пакінулі тэрыторыю Рэспублікі Беларусь.
