Вучэбная праграма заняткаў разлічана на навучэнцаў 8-х і 9-х класаў. Чакаецца, што новы факультатыў будзе садзейнічаць папулярызацыі інжынерных прафесій і прыцягненню школьнікаў да тэхнічнай творчасці.

«Большую частку часу на занятках прысвяцяць працы на віртуальным сімулятары і практыкаванням па кіраванні квадракоптарамі. Школьнікі атрымаюць комплекснае ўяўленне аб асновах аэрадынамікі, механікі і электронікі, вывучаць працэс праграмавання беспілотных лятальных апаратаў. Усё гэта дазволіць яшчэ са школьнай лавы развіць у хлопцаў тэхнічнае мысленне і навыкі працы з сучаснымі тэхналогіямі, а таксама інжынерныя, вынаходлівыя і творчыя здольнасці», — распавялі ў ведамстве.

З метадычным матэрыялам педагогам, якія будуць весці факультатыў, дапамогуць спецыялісты Нацыянальнага дзіцячага тэхнапарка і Беларускай дзяржаўнай акадэміі авіяцыі.