Для разагрэву ёй трапілася гаспадыня кортаў Альба Гарсія, якая займае ўсяго толькі 634-е месца ў сусветным рэйтынгу. Беларуска ж на гэты момант 326-я. тым не менш давялося пазмагацца за праход у другое кола.

Першая партыя магла завяршыцца няўдала, бо Алёна саступала (0:3). Але затым сабралася і ўзяла пяць геймаў запар. Далей рушыў услед новы правал, на гэты раз, на шчасце, нядоўгі. Два геймы на фінішы Фалей змагла забраць. А ў другім сэце іспанка пасля двух зацяжных геймаў практычна здалася на ласку будучай пераможцы (7:5, 6:1).

У 1/8 фіналу Фалей згуляе з чэшкай Габрыэлай Кнутсан (265).