Адбылася сустрэча дырэктара Нацыянальнага цэнтра маркетынгу Мікалая Барысевіча з Надзвычайным і Паўнамоцным Паслом Шры-Ланкі ў Расійскай Федэрацыі Шобіні Гунасекера.

Мікалай Барысевіч інфармаваў ланкійскі бок аб кампетэнцыях цэнтра ў сферы знешнеэканамічнай дзейнасці і пацвердзіў гатоўнасць аказваць усебаковую падтрымку.

У ходзе сустрэчы бакі абмеркавалі перспектывы развіцця ўзаемадзеяння цэнтра са структурамі партнёрскай сеткі на Шры-Ланцы, каляндар маючых адбыцца буйных міжнародных мерапрыемстваў, важнасць інтэнсіфікацыі супрацоўніцтва на рэгіянальным узроўні, а таксама наяўнасць сумесных пунктаў росту ў такіх сферах, як сельская гаспадарка, фармацэўтыка і медыцына, лёгкая прамысловасць, турызм. 

Дадатковым стымулам для дзелавога супрацоўніцтва стане прамы рэйс «Белавія» па маршруце Мінск — Матала. Першы палёт быў здзейснены ўчора.