Як паведамляе прэс-служба ведамства, фінансавая падтрымка будзе аказана дрэваапрацоўцы.

— Сёлета, дзякуючы інвестфонду, мы нядрэнна абнавілі парк лесанарыхтоўчай тэхнікі. У наступным годзе ўсе сродкі пойдуць на пераўзбраенне ў дрэваапрацоўцы. У нас будуць рэалізаваны два сур’ёзныя праекты па выпуску паддонаў у Лунінецкім і Драгічынскім лясгасах. У абнаўленні маюць патрэбу і лініі лесапілавання. У некаторых лясгасах усё трымаецца яшчэ на старых рэзервах, — анансаваў Аляксандр Кулік.

Кіраўнік лясной галіны запатрабаваў удзяліць асаблівую ўвагу і ўмовам працы рабочых у цэхах.

— Не паддаецца тлумачэнню адсутнасць у некаторых лясгасах элементарнага калястаночнага абсталявання. Што, хіба цяжка зрабіць ролікавы транспарцёр, каб людзі не цягалі ў руках цяжкі брус? — звярнуўся да кіраўнікоў на месцах міністр.

Таксама міністр лясной гаспадаркі даручыў да 7 лістапада зрабіць поўную інвентарызацыю маёмасці, якая захоўваецца ў гаражах і на складах.

Аляксандр Кулік успомніў нядаўняе наведванне Лоеўскага лясгаса, дзе яшчэ беражліва захоўваюцца запчасткі ад савецкай тэхнікі.

— Трэба зладзіць суботнік, адзін раз усё вынесці, скласці вопіс, нешта пакінуць, нешта спісаць, нешта перадаць іншаму лясгасу, — паставіў задачу міністр.

Кіраўнік галіны падкрэсліў, што ў Год добраўпарадкавання парадак павінен быць на ўсіх аб’ектах галіны.