Міністр эканомікі Юрый Чабатар прыняў удзел у пасяджэнні праўлення Беларускага фонду фінансавай падтрымкі прадпрымальнікаў. Цэнтральнае пытанне парадку дня — эфектыўнасць аказання Фондам дзяржаўнай фінансавай падтрымкі, паведамілі ў прэс-службе ведамства.
Па выніках 2025-га адзначаецца ўстойлівая станоўчая дынаміка: аб’ём аказанай малому і сярэдняму бізнесу падтрымкі вырас больш чым у два разы. Павялічваецца сярэдняя сума дагавораў пазыкі і лізінгу: калі ў 2024-м яна складала каля 300 тысяч рублёў, то ў мінулым годзе перавысіла 340 тысяч рублёў. Найбольш капіталаёмістыя праекты прыпадаюць на прамысловасць, транспарт і сельскую гаспадарку — каля 80 % аб’ёмаў усёй падтрымкі.
У планах БФФПП на бягучы год — далейшае павелічэнне аб’ёмаў даступнага капіталу для перспектыўных інвестпраектаў.
Важным кірункам і рэзервам таксама застаецца ўцягванне МСП у кааперацыйныя ланцужкі буйных прамысловых прадпрыемстваў.
«Фонду неабходна больш актыўна праводзіць кантактна-кааперацыйныя біржы для малога вытворчага бізнесу і арганізацый канцэрнаў і галіновых міністэрстваў, каб у далейшым яны выходзілі на канкрэтныя праекты. У гэтым крыюцца вялікія магчымасці як для развіцця малога бізнесу, так і для валаўтваральных прадпрыемстваў — у плане забеспячэння надзейнасці паставак і далейшай лакалізацыі вытворчасці», — падкрэсліў Юрый Чабатар.
