Міжнародны форум забеспячэння калектыўнай бяспекі праходзіць 10 і 11 лістапада ў Маскве. У яго рабоце бяруць удзел Дзяржаўны сакратар Савета Бяспекі Беларусі Аляксандр Вальфовіч, кіраўнік беларускага знешнепалітычнага ведамства Максім Рыжанкоў, міністр абароны Віктар Хрэнін, перадае БелТА.
Форум закліканы стаць платформай для адкрытага і непрадузятага дыялогу па шырокім спектры актуальных праблем міжнароднай і рэгіянальнай бяспекі. Праз аб’яднанне калектыўных намаганняў саюзнікаў і аднадумцаў, умацаванне ўзаемнага даверу паміж дзяржавамі, сінергію дзейнасці інтэграцыйных структур еўразійскай прасторы бачацца магчымасці для нейтралізацыі агульных пагроз, зніжэння канфрантацыі, стварэння спрыяльных умоў для стабільнага і паступальнага развіцця.
У ходзе мерапрыемства адбудуцца дыскусіі па прыярытэтных пытаннях забеспячэння калектыўнай бяспекі і наладжвання шматбаковага супрацоўніцтва на прасторы вялікай Еўразіі. Перад пачаткам работы форуму яго ўдзельнікі, у тым ліку беларуская дэлегацыя, азнаёміліся з экспазіцыяй прадукцыі, тэхналогій і перадавога вопыту па асноўных кірунках дзейнасці АДКБ.
