Па даных следства, мужчына атрымліваў ад куратара каардынаты схованак з буйнымі партыямі забароненых рэчываў, забіраў іх, расфасоўваў на дробныя дозы і размяшчаў у розных раёнах горада. Пасля чаго ў якасці справаздачы аб праведзенай рабоце адпраўляў фатаграфіі з месцазнаходжаннем схованак.

У канцы мая ён атрымаў заданне забраць 50 скруткаў з псіхатропамі і раскласці іх на тэрыторыі горада. Калі ён прыехаў да ўказанага куратарам участку мясцовасці, яго затрымалі супрацоўнікі міліцыі. Падчас асабістага вобыску праваахоўнікі знайшлі ў фігуранта больш за 93 г асабліва небяспечнага псіхатропнага рэчыва, а ў мабільным тэлефоне — перапіску з уладальнікамі крамы па продажы наркотыкаў і фатаграфіі з каардынатамі схованак. 

Падчас следстваў мужчына адмаўляў сваю віну, аднак патлумачыць наяўнасць перапіскі і фатаграфій з закладкамі не змог. Вывучэнне асобы абвінавачанага паказала, што раней ён ужо прыцягваўся да крымінальнай адказнасці за наўмыснае прычыненне цяжкіх цялесных пашкоджанняў і разбой. Пражываў з бацькамі і сужыцелькай, з якой выхоўваў малалетняе дзіця.

Па выніках расследавання жыхару Брэста прад’яўлена абвінавачанне па ч. 4 арт. 328 (незаконныя з мэтай збыту набыццё і захоўванне асабліва небяспечных псіхатропных рэчываў у буйным памеры, учыненае арганізаванай групай) КК. З санкцыі пракурора да яго прыменена мера стрымання ў выглядзе ўзяцця пад варту.