Лепшым галкіперам трэці раз у кар’еры быў прызнаны Зак Фукале. Варатар мінскага «Дынама» атрымаў дзве перамогі ў трох матчах з каэфіцыентам надзейнасці 0,68. З 95 кідкоў па варотах канадзец адбіў 93 (97,89%). У паядынку з «Авангардам» (4:0) Фукале аформіў шатаўт.
Таксама лепшымі ігракамі мінулага тыдня ў КХЛ сталі Уладзімір Грудзінін з «Поўначсталі» (абаронца), Аляксандр Барабанаў з «Аўтамабіліста» (нападаючы) і Арцемій Нізамееў з «Трактара» (навічок).