Прэм’ер-міністр Беларусі Раман Галоўчанка па запрашэнні катарскага боку сустрэўся ў нефармальнай абстаноўцы з членамі кіруючай сям’і Катара, прадстаўнікамі катарскага бізнесу — буйнымі інвестарамі ў сферы будаўніцтва, энергетыкі, інфармацыйных і тэлекамунікацыйных тэхналогій. Сустрэча адбылася ў рамках афіцыйнага візіту кіраўніка беларускага ўрада ў гэту краіну, паведамляе БелТА.
У ходзе сустрэчы прэм’ер-міністр праінфармаваў аб развіцці беларускай эканомікі, палітыцы краіны ў сферы інвестыцый, планах па рэалізацыі буйных інвестыцыйных праектаў.
Дыялог, які адбыўся, прадэманстраваў жывую цікавасць катарскага бізнесу да Беларусі.
