У міліцыю паступіла паведамленне аб выяўленні трупа 46-гадовай гамяльчанкі. Экспертызай устаноўлена: смерць надышла ад вострага атручэння асабліва небяспечным псіхатропным рэчывам альфа-PVP.

Супрацоўнікі міліцыі высветлілі, што напярэдадні жанчына купіла тавар праз тайнік, які абсталяваў 23-гадовы замежнік, што працаваў кур’ерам наркамаркета. 

Пры сілавой падтрымцы байцоў АМАПа яго затрымалі ў Жлобіне ў момант размяшчэння ім чарговай закладкі.

Следчымі заведзена крымінальная справа за незаконны абарот наркотыкаў, які пацягнуў па неасцярожнасці смерць чалавека. Фігуранту пагражае да 25 гадоў пазбаўлення волі.