Галоўны трэнер зборнай Беларусі Віктар Ганчарэнка агучыў прозвішчы футбалістаў, якія адправяцца з нацыянальнай камандай на заключныя ў сёлетнім сезоне матчы групавога этапу Лігі нацый.
- Галкіперы — Павел Паўлючэнка («МЛ» Віцебск«), Фёдар Лапавухаў (ЦСКА, Сафія, Балгарыя), Андрэй Кудравец («Дынама-Мінск»).
- Абаронцы — Кірыл Пячэнін («Крылы Саветаў», Расія), Захар Волкаў, Кірыл Гоманаў (абодва — «МЛ» Віцебск), Глеб Шаўчэнка («Тарпеда» Масква, Расія), Раман Бегуноў, Уладзіслаў Калінін (абодва — «Дынама-Мінск»), Іван Ціхаміраў («Іслач»).
- Паўабаронцы — Макс Эбонг («ЦСКА Сафія», Балгарыя), Валерый Грамыка, Валерый Бачароў, Арцём Канцавы (усе — «МЛ» Віцебск), Аляксандр Сялява («Дынама-Мінск»), Арцём Шуманскі («Акрон», Расія), Антон Кавалёў («Факел», Расія), Кірыл Зіновіч («Дынама» Махачкала, Расія), Аляксандр Свірэпа («Іслач»).
- Нападаючыя — Віталь Лісаковіч («Табол», Казахстан), Герман Баркоўскі («Палонія» Варшава, Польшча), Трафім Мельнічэнка («Порту», Партугалія), Карэн Варданян («Дынама- Мінск»), Цімафей Сіманенка («Гомель»).
12 лістапада зборная Беларусі правядзе гасцявы матч супраць каманды Сан-Марына (22:45), а 15 лістапада ў намінальна дамашняй гульні прыме ў Будапешце зборную Албаніі (20:00).
