Жыхароў для аператыўнага вырашэння праблем у рабоце інжынерных сістэм просяць звяртацца на прадпрыемствы ЖКГ сваіх раёнаў. Тэлефонныя лініі даступны для сувязі да 18.00.

• ЖКГ Заводскага раёна: +375 17 351-99-29;
• ЖКГ Ленінскага раёна: +375 17 380-26-87;
• ЖКГ № 1 Маскоўскага раёна: +375 29 372-70-98;
• ЖКГ Кастрычніцкага раёна: +375 17 258-66-24;
• ЖКГ Партызанскага раёна: +375 17 370-71-40;
• ЖКГ Першамайскага раёна: +375 29 168-88-21;
• ЖКГ Савецкага раёна: +375 17 300-03-25;
• ЖКГ № 2 Фрунзенскага раёна: +375 44 787-92-80;
• ЖКГ Цэнтральнага раёна: +375 17 240-77-01.

Як паведамлялася, 19 студзеня ў сувязі з пашкоджаннем участка цеплавой магістралі нумар 41 адбылося зніжэнне тэмпературы цепланосьбіта часткі спажыўцоў Фрунзенскага, Маскоўскага, Цэнтральнага, Савецкага і Кастрычніцкага раёнаў Мінска.

Цяпер энергетыкі дэманціруюць пашкоджаны ўчастак цеплатрасы. Аварыйныя брыгады вядуць аднаўленчыя работы ў кругласутачным рэжыме. З моманту выяўлення пашкоджання ў ліквідацыі парушэнняў было задзейнічана больш за 170 чалавек. Брыгады ўкамплектаваны неабходнай спецтэхнікай, матэрыяламі і інструментамі.

Работы ўскладнены ўмовамі надвор’я — ноччу тэмпература паветра апускалася да мінус 19 градусаў. З улікам размяшчэння пашкоджанага ўчастка цепламагістралі прымяненне спецыяльнай тэхнікі было ўскладнена — шэраг тэхналагічных аперацый выконваўся брыгадамі практычна ўручную. Прымаюцца ўсе неабходныя меры для больш хуткага завяршэння работ і аднаўлення нармальнага рэжыму цеплазабеспячэння спажыўцоў.