Дэлегацыю паўднёва-заходняга рэгіёна Беларусі на Форуме ўзначаліць старшыня Брэсцкага аблвыканкама Пётр Пархомчык. Насычаная праграма ў тым ліку прадугледжвае падпісанне двухбаковых дакументаў. У прыватнасці, намечана заключыць пагадненне аб супрацоўніцтве ў гандлёва-эканамічнай, навукова-тэхнічнай, культурнай, сацыяльнай і іншых сферах паміж Брэсцкім аблвыканкамам і ўрадам Маскоўскай вобласці. Узгодняць план мерапрыемстваў па ўзаемадзеянні на 2026-2028 гады Брэсцкі аблвыканкам і Адміністрацыя Астраханскай вобласці.

«Новыя пабрацімскія пагадненні таксама замацуюць Брэст, Баранавічы і Пінск. Акрамя таго, запланавана падпісанне цэлага пакета дакументаў з удзелам Брэсцкага абласнога Савета дэпутатаў, — расказалі ў прэс-службе. — У рамках двухбаковага супрацоўніцтва суб’екты гаспадарання падпішуць камерцыйныя кантракты на суму, якая перавышае 1 млрд расійскіх рублёў».

У час падрыхтоўкі да Форуму рэгіёнаў Беларусі і Расіі суб’екты гаспадарання Брэсцкай вобласці за студзень — май бягучага года заключылі экспартныя камерцыйныя кантракты на значную суму.