Дзякуючы развітой сістэме міжнародных паслуг гарады першай лініі і рэгіянальныя вузлавыя гарады па-ранейшаму застаюцца прыярытэтным выбарам для замежнікаў. Паводле даных платформы анлайн-браніравання падарожжаў Qunar.com, у першым паўгоддзі ў топ-10 самых папулярных у замежных турыстаў гарадоў увайшлі: Шанхай, Пекін, Гуанчжоу, Шэньчжэнь, Чэнду, Ханчжоу, Сямэнь, Хайкоу, Цындаа і Чунцын. Пры гэтым прывабнасць Чунцына для замежных турыстаў расце найбольш прыкметна: аб’ём браніравання авіябілетаў для ўезду ў горад у першым паўгоддзі вырас на 30% у параўнанні з тым жа перыядам мінулага года.

Акрамя буйных гарадоў і традыцыйных турыстычных напрамкаў, замежнікі ў першым паўгоддзі сталі больш актыўна наведваць і невялікія гарады, такія як Даачэн, Голмуд, Цзінганшань.

Бізнес-турызм становіцца новым пунктам росту: аб’ём браніравання ўязных рэйсаў у Іу вырас больш чым на 60% у параўнанні з мінулым годам, а гандлёвы раён Хуацянбэй у Шэньчжэне ператварыўся ў адно з папулярных месцаў для наведвання сярод замежнікаў.

Дзякуючы перавагам рэжыму незалежных мытных аперацый на Хайнані, турыстычная цікавасць да рэгіёна імкліва расце: істотна павялічыўся паток турыстаў у Хайкоу, Санью, Цюнхай і іншыя гарады вострава.

Паводле даных платформы Qunar.сom, у летні перыяд Кітай найбольш актыўна наведваюць турысты з Тайланда, Канады, ЗША, Вялікабрытаніі, Расіі, Казахстана, Аўстраліі, Манголіі і Швейцарыі.

Усё больш замежных турыстаў не абмяжоўваюцца кароткімі экскурсійнымі паездкамі: яны выбіраюць пражыванне ў гасцявых дамах і павольныя падарожжы, каб глыбей пазнаёміцца з рознымі рэгіёнамі Кітая.