«Што тычыцца замежных гасцей, ужо стала добрай традыцыяй удзел у канферэнцыі міністра замежных спраў Расіі Сяргея Лаўрова. Прыедзе ён і сёлета», — распавёў намеснік міністра. — «Будзе ўдзельнічаць міністр замежных спраў М’янмы Цін Маун Све, а таксама кіраўнікі практычна ўсіх рэгіянальных аб’яднанняў, якія займаюцца пытаннямі бяспекі на еўразійскай прасторы: АДКБ, ШАС, СНД, Саюзная дзяржава. Упершыню ў канферэнцыі возьме ўдзел Генеральны сакратар АБСЕ. Характэрна, што акрамя дзейных генеральных сакратароў АБСЕ і АДКБ будуць удзельнічаць і былыя іх кіраўнікі». 

Чакаюцца высокапастаўленыя дэлегацыі Ірана, Кітая, Казахстана, Кыргызстана, Аб’яднаных Арабскіх Эміратаў, Амана, Таджыкістана. У дыскусіях будуць удзельнічаць прадстаўнікі аналітычных колаў з розных краін, у тым ліку з Еўропы (Аўстрыя, Германія, Італія, Іспанія, Сербія, Швейцарыя). 

«Кожны год мы стараемся зрабіць нашу канферэнцыю актуальнай, карыснай і максімальна насычанай», — звярнуў увагу Ігар Сакрэта.