Як адзначыў Прэзідэнт, беларуская шматвектарная палітыка тлумачыцца экспартна арыентаванай эканомікай. Ён звярнуў увагу, што больш за палову тавараў і паслуг, якія вырабляюцца ў Беларусі, ідуць на экспарт. Такім чынам, Мінску неабходны рынкі збыту прадукцыі. 

«Што датычыцца шматвектарнай палітыкі, яна зыходзіць з эканомікі. Мы больш за палову матэрыяльных сродкаў і паслуг, якія вырабляем, прадаём на знешніх рынках, — сказаў Аляксандр Лукашэнка. — У нас адкрытая эканоміка, таму мы вымушаны свае інтарэсы бачыць на Захадзе, у Расіі, Кітаі і ў Афрыцы. Туды, куды ўсе ідуць — і Расія, і амерыканцы». 

«Гэта наш інтарэс для таго, каб, як я нядаўна сказаў, жыць. Не выжываць, а жыць. Гэта наш інтарэс, ён ідзе ад жыцця. За што нас папракаць? Няма за што», — рэзюмаваў кіраўнік дзяржавы.