Кіраўнік беларускай дзяржавы адзначыў, што вельмі цэніць станоўчую ацэнку ўзаемаадносін Мінска і Пекіна з боку Старшыні КНР. «Гэта тое, аб чым мы з вамі гаварылі і, можа, у нейкай ступені марылі напярэдадні глабальнага супрацоўніцтва паміж Беларуссю і Кітайскай Народнай Рэспублікай», — падкрэсліў беларускі лідар.

Адным з прыкладаў паспяховага ўзаемадзеяння Мінска і Пекіна Аляксандр Лукашэнка назваў індустрыяльны парк «Вялікі камень», большая частка замежных інвестыцый у якім належыць кітайскім кампаніям. У сувязі з гэтым кіраўнік дзяржавы выказаўся наконт прамысловай кааперацыі Беларусі і Кітая. 

«Я ўдзячны вам за тое, што вы падтрымалі бягучы год і наступны як ініцыятыву развіцця прамысловасці і прамысловай кааперацыі паміж дзвюма краінамі. Па ўсіх напрамках эканамічнага развіцця Беларусь выкарыстоўвае вашы тэхналогіі, — звярнуў увагу Аляксандр Лукашэнка. — Мы задаволены ўзроўнем гэтых тэхналогій і якасцю той прадукцыі, якую мы сёння атрымліваем».

«Мы з вамі пастаянна абменьваемся пунктамі гледжання па міжнародным парадку дня, аб сітуацыі ў рэгіёне. Я вас пастаянна аб гэтым інфармую. Думаю, нам трэба гэтыя кантакты прадоўжыць і ў далейшым», — дадаў Прэзідэнт