Паведамляецца, што мужчына гуляў па лесе каля вёскі Агароднікі і вярнуўся дадому з рэкорднай здабычай. «За гадзіну нарэзалі два пакеты», — падзяліўся ён. Асаблівы трафей — вешанка вагой 342 грамы.

Нягледзячы на набліжэнне маразоў, лясныя багацці ўсё яшчэ чакаюць сваіх уладальнікаў.

Сезон ціхага палявання хоць і блізкі да заканчэння, але познія віды грыбоў усё яшчэ актыўна растуць. Грыбнікі ў мясцовых чатах адзначаюць, што асабліва шмат апенек — іх «усплеск» прыпаў на пачатак лістапада.

Важна паспець сабраць грыбы своечасова: перарастаюць яны хутка. На пясчаных глебах можна натрапіць і на рэдкія зялёнкі, а польскія грыбы і лісічкі сустракаюцца ўжо нячаста. Але калі пашанцуе, з лесу можна вярнуцца з кошыкам, поўным інгрэдыентаў для смачнага супу.