Удзел у самым прэстыжным відзе праграмы сярод сеніёрак прынялі 33 спартсменкі з пяці краін, у тым ліку шэсць беларусак. Лепшай з нашых грацый стала новаспечаная чэмпіёнка краіны Дар’я Вярэніч, якая па выніках выступленняў з чатырма прадметамі атрымала 115,90 бала і заняла трэцяе месца. 

Перамогу ў мнагабор’і атрымала Марыя Барысава з Санкт-Пецярбурга (120,00), серабро выйграла Уладзіслава Шаронава з Іванаўскай вобласці (116,10). Беларуска Дар’я Грохатава паказала 11-ы вынік, Дар’я Ткачова стала 16-й, Ніка Косціна, Ганна Кандрашына і Анастасія Трафімава размясціліся ў трэцім дзясятку.

У гэтай жа дысцыпліне ў юніёрак наша Маргарыта Журовіч заняла восьмую пазіцыю, яе суайчынніца Ксенія Перапяліца замкнула топ-20. Раней каманда Беларусі атрымала перамогу ў мнагаборстве ў групавых практыкаваннях. 28 верасня на этапе ў Казані адбудуцца фіналы ў асобных відах.