У суботу, 2 мая, наша грацыя стала прызёрам у практыкаванні з булавамі сярод сеніёрак. Вярэніч набрала 28,350 бала і заваявала сярэбраны медаль, уступіўшы толькі ізраільцянцы Даніэле Муніц (28,650). Тройку замкнула італьянка Сафія Рафаэлі (28,200), усяго на дыван выйшлі 52 дзяўчыны. Таксама сёння Дар’я паказала шосты рэзультат у праграме са стужкай, напярэдадні Вярэніч узяла бронзу ў практыкаванні з абручом. Яшчэ адна беларуска Ганна Каменшчыкава заняла 16-е месца з булавамі і стала 9-й са стужкай.

Таксама на Кубку Еўропы ў Баку адбыліся спаборніцтвы ў новым фармаце — крос-батле ў юніёрак, які з’яўляецца аналагам плэй-оф у гульнявых відах спорту. Нашы Ксенія Бандарэнка і Кіра Бабкевіч спыніліся за крок ад подыума, у чвэрцьфінале беларускі прайшлі дзяўчат з Турцыі, але ў паўфінале прайгралі будучым чэмпіёнкам з Расіі. У турніры за бронзу Ксенія і Кіра ўступілі дуэту з Ізраіля. Медалі ў гэтай дысцыпліне ў сеніёрак будуць разыграны 3 мая.