Урачыстыя мітынгі, шэсці, аўтапрабегі, флэшмобы, дыялогавыя пляцоўкі, выстаўкі, інтэрнэт-праекты... Як звярнуў увагу першы намеснік старшыні камітэта ідэалагічнай работы і па справах моладзі Гомельскага аблвыканкама Дзмітрый Ісачанка, жыхароў і гасцей Гомельскага рэгіёну ў гэтыя святочныя дні чакае шмат знакавых мерапрыемстваў.
— Чым далей адыходзіць у мінулае самая кровапралітная ў гісторыі чалавецтва вайна, тым мацнейшая памяць аб ёй. Гэта памяць — мацнейшае духоўнае скрэпа, што яднае нас. Прыклад герояў-вызваліцеляў, іх нязломнай мужнасці, стойкасці, адданасці Айчыне заўсёды быў і будзе маральным арыенцірам для многіх пакаленняў беларусаў, — падкрэсліў Дзмітрый Ісачанка.
Падрыхтоўка да знамянальнай даты стартавала ў Гомельскай вобласці яшчэ ў верасні 2023 года з мерапрыемстваў з нагоды 80-годдзя вызвалення ад нямецка-фашысцкіх захопнікаў першага беларускага населенага пункта — Камарына.
— У лютым у рэгіёне стартавалі вахты памяці «80 дзён да Перамогі». Ва ўсіх раёнах вобласці і ў Гомелі навучэнцы патрыятычных клубаў і класаў нясуць вахту каля мемарыялаў і месцаў баявой славы, — звярнуў увагу Дзмітрый Ісачанка.
У населеных пунктах, на прадпрыемствах, арганізацыях да 80-годдзя Вялікай Перамогі выканана больш як 2 тысячы элементаў святочнага афармлення.
— Абласным каардынацыйным саветам грамадскіх аб’яднанняў і палітычных партый рэалізаваны народны праект «Салдацкая зорачка», у рамках якога ва ўсіх раёнах вобласці праведзены работы па добраўпарадкаванню ўсталяваных пры ўваходзе на грамадзянскія могілкі інфармацыйных стэндаў са звесткамі аб месцазнаходжанні пахаванняў Герояў Савецкага Саюза ці ўдзельнікаў Вялікай Айчыннай вайны, — дадаў першы намеснік старшыні камітэта.
З нагоды 80-годдзя Вялікай Перамогі ў раёнах вобласці і Гомелі пройдуць ўрачыстыя адкрыцці шэрагу аб’ектаў, у тым ліку муралаў, прысвечаных Героям Савецкага Саюза. Муралы Георгію Жукаву, Ільі Катуніну, Рыгору Дзенісенка адкрыюць ў Гомелі, Фёдару Кухараву — у Добрушскім раёне, Мікалаю Міхайлашаву ў Кармянскім і Уладзіміру Масальскаму ў Рэчыцкім раёне
— У Веткаўскім раёне адкрыюць памятны знак, прысвечаны 2-й танкавай роце 253-га танкавага палка 11-й арміі Беларускага фронту пад камандаваннем Анатоля Хутаранскага. У Чачэрскім раёне пройдзе цырымоніі перапахавання астанкаў загінулых пры абароне Айчыны і ахвяр вайны. У Рагачоўскім раёне будзе закладзена капсула для нашчадкаў «Нам гэты мір завешчана зберагчы», якая будзе ўзнята з нагоды стагоддзя Вялікай Перамогі, — зазначыў Дзмітрый Ісачанка.
На пярэдадні Дня перамогі ваенна-гістарычная рэканструкцыя пройдзе на мемарыяльным комплексе «Партызанская крынічка». Урачыстыя мерапрыемствы 9 мая ў Гомелі пачнуцца шэсцем працоўных калектываў, жыхароў і гасцей горада. Гомельшчына далучыцца да рэспубліканскай акцыі «Беларусь памятае» з удзелам дэлегацый раёнаў вобласці, каля Вечнага агню на плошчы Працы пройдзе мітынг. На плошчы Леніна ўрачыстае адкрыццё свята пачнецца парадам Гомельскага гарнізона з удзелам ваеннай тэхнікі, ваенна-патрыятычных класаў і клубаў вобласці, у якім прымуць удзел больш за тысячу чалавек.
Як звярнула ўвагу намеснік начальніка галоўнага ўпраўлення культуры Гомельскага аблвыканкама Анастасія Лысенка, апошнія гады значная колькасць патрыятычных мерапрыемстваў праходзіць дзякуючы ініцыятыве жыхароў населеных пунктаў Гомельшчыны. У гэтым годзе ў рэгіёне ў тым ліку ў праграме мерапрыемстваў — мноства душэўных мерапрыемстваў.
— Важна праз эмоцыю, праз слова, праз песню перадаць праўду пра вайну, гонар за Вялікую Перамогу, захаваць памяць. Менавіта гэты пасыл закладзены ў праграмах да 9 Мая, — падзялілася Анастасія Лысенка.
фота ТК «Гомельшчына афіцыйна»
