У Беларусь 32-гадовая грамадзянка Украіны заязджала праз пункт пропуску «Каменны Лог» у якасці пасажыра рэйсавага аўтобуса. Выбарам для перасячэння граніцы зялёнага калідора яна пацвердзіла, што тавараў, якія падлягаюць дэклараванню, пры сабе не мае. У той жа час два залатыя зліткі, якія гродзенскія мытнікі выявілі пры даглядзе багажу ўкраінкі, схавала ў асабістых рэчах. Кошт 30 грам золата склала каля B410 тыс.

Жанчына прыцягнутая да адказнасці ў адпаведнасці з ч. 4 арт. 15.5 КаАП. Грамадзянка Украіны выплаціла Br100 тыс. штрафу за ўчыненае адміністрацыйнае правапарушэнне.