За кошт дзяржаўнай падтрымкі будуць выкананы праекты, якія маюць пераважнае значэнне для рэалізацыі дзяржаўных праграм, прыярытэтаў навуковай дзейнасці і найважнейшых напрамкаў сацыяльна-эканамічнага развіцця Рэспублікі Беларусь.

Прыняцце распараджэння накіравана на падтрымку навуковых, адукацыйных, інавацыйных, творчых і маладзёжных праектаў і будзе садзейнічаць стварэнню новых вучэбна-метадычных комплексаў, прагрэсіўных спосабаў дыягностыкі і лячэння пацыентаў, далейшаму развіццю грамадскай і культурнай дзейнасці ў краіне.

Гранты кіраўніка дзяржавы прадастаўляюцца штогод з 2013 года па выніках адкрытага конкурсу з улікам ацэнкі значнасці праектаў для галін эканомікі і сацыяльнай сферы, маштабу практычнага выкарыстання вынікаў, эканамічнага эфекту і грамадскага прызнання.