У Гродзенскай вобласці медыцынскі турызм развіваецца вялікімі тэмпамі. «Калі браць 2025 год, то ў рамках толькі бязвізавага ўезду ў нас больш за 900 чалавек атрымалі лячэнне ва ўстановах аховы здароўя Гродзенскай вобласці. Вялікая роля тут адводзіцца ў тым ліку санаторна-курортным установам, якія працуюць з намі ў звязцы, якія накіроўваюць пацыентаў, што прыязджаюць да іх на аздараўленне. Больш за 100 замежных грамадзян атрымалі ў гэтым годзе лячэнне ў нашых установах», — расказала Святлана Лазута.

У Гродзенскую вобласць за медыцынскімі паслугамі едуць з Расіі і іншых краін СНД. У цэлым за мінулы год у рэгіёне атрымалі дапамогу грамадзяне з 46 краін — гэта каля 13 тыс. замежных грамадзян. У асноўным прыязджаюць за стаматалогіяй, кардыялогіяй, дыягностыкай, за правядзеннем аперацыйных умяшанняў.

«Для таго каб развіваць медыцынскі турызм, у маі 2025 года быў праведзены рэкламны тур для турыстычных прадстаўнікоў Расійскай Федэрацыі. Прысутнічалі прадстаўнікі Ленінградскай вобласці, горада Санкт-Пецярбурга. Тур прайшоў па нашых абласных установах — Гродзенскай універсітэцкай клініцы, бальніцы хуткай медыцынскай дапамогі горада Гродна, стаматалагічнай паліклініцы. Ім, вядома, было расказана, паказана, чым мы валодаем, якія ў нас ёсць рэсурсы кадравыя, матэрыяльная база, каб прыцягваць замежных турыстаў да нас у вобласць», — адзначыла начальнік упраўлення.