Ва ўрачыстым уручэнні ўдзельнічалі старшыня Гродзенскага абласнога выканаўчага камітэта Юрый КАРАЕЎ і памочнік Прэзідэнта Рэспублікі Беларусь — інспектар па Гродзенскай вобласці Канстанцін БУРАК.
Звяртаючыся да прысутных, Юрый Караеў адзначыў, што забеспячэнне камфортным жыллём — гэта выказванне ўдзячнасці за нялёгкую працу і клопат аб дабрабыце людзей, якія стаяць на варце бяспекі грамадзян: «Работа ў службе ратавання — адна з самых адказных і небяспечных прафесій. Яна патрабуе высокай кваліфікацыі і поўнай самааддачы. Ратавальнікі МНС, як і іншыя службы экстраннага рэагавання, штодзень рызыкуюць сваімі жыццямі, выконваючы задачы па ратаванні людзей і ліквідацыі наступстваў надзвычайных сітуацый».

На сённяшні дзень жыллёвы фонд для супрацоўнікаў МНС у Гродзенскай вобласці налічвае ўжо больш за 270 арэндных кватэр.

Для эфектыўнай работы ратавальнікаў умацоўваецца і матэрыяльна-тэхнічная база службы. Абнавіўся аўтапарк: 12 новых спецыяльных легкавых аўтамабіляў «ЛАДА Ніва» накіраваны ў раённыя аддзелы МНС Гродзеншчыны. Супрацоўнікі цэнтра аператыўнага ўпраўлення абласнога ўпраўлення МНС атрымалі сучасны штабны аўтамабіль, а работнікі АСВОД былі забяспечаны аўтамабілем для манеўрана-пошукавай групы.

Аміна НАЗАРАВА. 
Фота: Міністэрства надзвычайных сітуацый 

Чытайце таксама: Кіраўнік МНС узнагародзіў героя з Горацкага раёна, які выратаваў дваіх дзяцей