Кіраўнік расійскай дыпмісіі адзначыў рост прадпрымальніцкай актыўнасці: ствараюцца новыя працоўныя месцы, атрымалі дынамічнае развіццё сферы паслуг, гандлю, будаўніцтва і многія іншыя сектары, прама ці ўскосна звязаныя з турызмам.

«На фоне падаражэння і ўскладнення лагістыкі паездак у краіны далёкага замежжа нашы вандроўцы ўсё часцей знаходзяць для сябе годныя альтэрнатывы для адпачынку на бязмежных прасторах Саюзнай дзяржавы — ад Брэста да Уладзівастока. Беларусы адкрываюць для сябе жамчужыны прыроды і славутасці Расіі — няхай гэта будзе прыгажосці рускай Поўначы, Карэліі, музеі і шэдэўры архітэктуры Масквы і Санкт-Пецярбурга ці ж курорты Прычарнамор’я, Каўказа, Алтая або Прымор’я. Расейцаў у Беларусі заўсёды прыцягвалі ўнікальныя помнікі гісторыка-культурнай спадчыны і якаснае санаторна — курортнае лячэнне», — адзначыў Барыс Грызлоў. 

Расійскія і беларускія турыстычныя напрамкі ў апошнія гады моцна выраслі з пункту гледжання якасці сэрвісу і часцяком пераўзыходзяць па гэтым паказчыку замежных канкурэнтаў.

Аб сур’ёзным ажыўленні рынку турыстычных паслуг Саюзнай дзяржавы сведчыць рэкордны рост узаемных паездак беларусаў і расіян — каля 6 млн у 2024 годзе. Развіццё галіны ўваходзіць у лік доўгатэрміновых прыярытэтаў краін. У прыватнасці, у Расіі пастаўлена задача павялічыць долю рэкрэацыйных паслуг у ВУП Расіі да 5% да 2030 года, а аб’ём штогадовага турыстычнага патоку — да 140 млн чалавек. 

Пасол нагадаў аб новаўвядзеннях у расійскім заканадаўстве, якія ўступаюць у сілу з 1 верасня і фактычна прыраўноўваюць аказанне паслуг па выязным турызме ў Беларусь і шэраг іншых дружалюбных краін да ўнутранага турызму. Гэта дазволіць знізіць выдаткі на фінансавае забеспячэнне і страхаванне такой дзейнасці і тым самым павысіць цэнавую прывабнасць прапаноў.

«Упэўнены, што сумеснымі намаганнямі нам удасца надаць новы імпульс развіццю індустрыі і ўмацаваць імідж Саюзнай дзяржавы як аднаго з самых актуальных, цікавых і гасцінных напрамкаў для падарожжаў», — адзначыў пасол.