«Да канца гэтага года Grok Imagine створыць поўнаметражны фільм па „Адысеі“, які будзе гістарычна дакладным і верна адлюстроўваць творчасць Гамера», — напісаў Маск.

Grok Imagine — гэта нейрасетка для генерацыі малюнкаў і відэа. Яна ўбудавана ў ШІ-памочніка Grok, які распрацавалі ў кампаніі Ілана Маска xAI. У ліпені 2026 года xAI дадала магчымасць стварэння відэаролікаў з дапамогай Grok Imagine па тэкставых запытах.

Маск раней неаднаразова крытыкаваў «Адысею» Крыстафера Нолана за гістарычныя недакладнасці. «[Ён] апаганіў Гамера і поўзае на каленях, абы адпавядаць „прагрэсіўным“ правілам, неабходным для атрымання „Оскара“. Што за чарвяк», — напісаў ён у пачатку ліпеня.