Аператыўнікі Бараўлянскага аддзела Мінскага РУУС высветлілі асобу падазраванага пасля таго, як пацярпелыя звярнуліся ў міліцыю. Усе яны расказалі пра падобную схему падману: знаходзілі майстра, які абяцаў выканаць рамонтныя або мантажныя работы, перадавалі яму грошы, пасля чаго мужчына знікаў, так і не прыступіўшы да выканання абавязацельстваў. У выніку дзеянняў меркаванага махляра пацярпелі трое чалавек. Агульная сума нанесенай шкоды перавысіла 55 тыс. рублёў. Следчыя распачалі крымінальную справу па факце махлярства.

У міліцыі Мінскай вобласці рэкамендуюць пры найманні будаўнікоў заключаць афіцыйны дагавор падраду, у якім павінны быць указаны даныя выканаўцы, тэрміны і аб’ём работ, а таксама адказнасць за невыкананне абавязацельстваў. Праваахоўнікі таксама раяць не перадаваць буйныя сумы авансам, кантраляваць закупку матэрыялаў і дакументальна афармляць перадачу грошай. Перад тым як даверыць рамонт спецыяліста, варта праверыць водгукі пра яго і па магчымасці звярнуцца да майстроў, якіх могуць рэкамендаваць знаёмыя.