Сёння шэсць сямей — пераможцы рэгіянальных конкурсаў з усёй Беларусі — паспрачаліся за тытул «Уладар сяла». Кожная з гонарам прайшла іспыты на здольнасць з поспехам прымяніць сябе ў сельскім жыцці. Дзяўчаты пяклі дранікі на калодзе і плялі купальскія вянкі, мужчыны паказвалі майстар-клас у касьбе, разам з дзецьмі сужэнцы ўдзельнічалі ў спартыўна-забаўляльнай сямейнай эстафеце, крыятывілі з візітоўкай, дэманстравалі сваю гасціннасць, даказвалі, што «Хлеб — усяму галава». Кожная маладая сям’я падрыхтавала пра сябе 3-хвілінны відэаролік, дзе паказала ўклад жыцця, традыцыі і свае дасягненні, расказала пра ўдзел у грамадскім жыцці.

Усё праходзіла на базе акадэмгарадка Беларускай сельскагаспадарчай акадэміі весела і з настроем. Акрамя іспытаў для ўдзельнікаў была арганізаваная змястоўная культурная праграма. 

Удзел у мерапрыемстве прыняў першы сакратар ЦК ГА «БРСМ» Уладзімір Паўлоўскі.

Ён назваў конкурс вельмі ўплывовым і карысным.

— Конкурс праводзіцца штогод з мэтай падняцця прэстыжу сельскагаспадарчых прафесій, папулярызацыі традыцый беларускай вёскі, — адзначыў ён.— Уцешна, што наша моладзь сёння вядзе яркае, насычанае жыццё на сяле і паказвае прыклад іншым. Мы — асноўныя рэалізатары праекта, але да нас далучаецца Міністэрствы адукацыі, сельскай гаспадаркі і харчавання. Конкурс праводзіцца з 2007 года. Ён паказаў вялікую колькасць маладых сем’яў, якія сваім прыкладам матывуюць іншых. І жадаючых паўдзельнічаць у конкурсе з кожным годам павялічваецца. Знамянальна, што імя пераможцы агучваецца на купальскім свяце ў Александрыі. Нашы сем’і маюць магчымасць наведаць гала-канцэрт, на якім прысутнічае Прэзідэнт. У гэтым знакавы кансалідуючы складнік гэтага мерапрыемства. 

Нагадаем, што імя «Уладара сям’і» будзе названае заўтра ў 15.30 на сцэнічным подыуме выстаўкі-кірмаша «Пад пакровам купальскай «Берагіні». Не прапусціце прыгожую ўрачыстасць. 

Нэлі ЗІГУЛЯ
Фота з тэлеграм-канала mogilevnewsby