Цырымонія ўзнагароджання будзе ўпрыгожана канцэртнымі нумарамі лаўрэатаў. Пераможцы ў інструментальным жанры прадэманструюць майстэрства ў суправаджэнні сімфанічнага аркестра Белтэлерадыёкампаніі.

Сёлета на радыёконкурс паступіла 465 заявак, фіналістамі сталі 175 таленавітых дзяцей у 10 намінацыях.

Акрамя дыпломаў і памятных прызоў, канкурсанты атрымаюць унікальныя магчымасці: ратацыю ў эфіры самага інтэлігентнага радыё краіны — канала «Культура», і запрашэнне на ўдзел у здымках тэлевізійнага праекта «Маладыя таленты Беларусі».

Радыёверсія гала-канцэрта і цырымоніі ўзнагароджання прагучыць у эфіры канала «Культура» 31 снежня ў 19.00. Прыхільнікаў конкурсу таксама чакае спецыяльны праект «Мэтры ў новым амплуа» з удзелам членаў журы радыёконкурсу пад старшынствам народнага артыста Беларусі, мастацкага кіраўніка заслужанага калектыву Беларусі ансамбля народнай музыкі «Бяседа» Леаніда Захлеўнага.

Праект «Маладыя таленты Беларусі» Белтэлерадыёкампаніяй праводзіцца з 2009 года. За ўвесь час у ім прынялі ўдзел каля 5 тыс. выканаўцаў і калектываў. З 2013 года прызёры конкурсу рэгулярна становяцца стыпендыятамі спецыяльнага фонду Прэзідэнта Рэспублікі Беларусь па падтрымцы таленавітай моладзі.