«У выкананне дамоўленасцяў, дасягнутых 2 ліпеня 2026 года ў Джакарце Прэзідэнтам Рэспублікі Беларусь Аляксандрам Лукашэнкам і Прэзідэнтам Рэспублікі Інданезія Прабова Субіянта, інданезійскі бок з ліпеня 2026 года ўвёў 30-дзённы бязвізавы рэжым уезду для грамадзян Рэспублікі Беларусь — уладальнікаў агульнаграмадзянскіх пашпартоў, якія падарожнічаюць з турыстычнымі мэтамі. Раней беларусы былі абавязаны афармляць візу пасля прыбыцця», — гаворыцца ў заяве.

Са свайго боку, Беларусь паслядоўна праводзіць палітыку адкрытасці, падкрэслілі ў МЗС. Бязвізавы парадак уезду для грамадзян Інданезіі быў устаноўлены яшчэ ў 2017 годзе, і цяпер яны таксама могуць знаходзіцца на тэрыторыі Беларусі без віз да 30 дзён.

«Рашэнне Джакарты — гэта практычны крок па рэалізацыі знешнепалітычнага курсу лідара беларускай дзяржавы, накіраванага на ўмацаванне двухбаковых адносін, пашырэнне гуманітарных, дзелавых і турыстычных кантактаў паміж народамі Беларусі і Інданезіі», — адзначылі ў знешнепалітычным ведамстве.