«Па-першае, гэта (конкурс „РадыёТрыумф“. — Заўв. БелТА) важна для тых, хто працуе ў радыёіндустрыі, а па-другое, для тых, хто слухае радыё, хто галасаваў, перажываў і будзе радавацца перамозе сваёй любімай радыёперадачы, радыёстанцыі, радыёвядучага або прадзюсара. Радыё застаецца адным з самых запатрабаваных СМІ, акампаніятарам усім нашым добрым, карысным справам. У машыне, на дачы, на рабоце мы слухаем радыё. Якія б модныя цяпер не з’яўляліся лічбавыя платформы, флэш-назапашвальнікі, усё роўна мы працягваем слухаць радыё, любім сваіх вядучых, праграмы. І дзеля гэтага кожны дзень мы выбіраем сваю любімую або некалькі любімых радыёстанцый», — сказаў Уладзімір Пярцоў.

  

Ён дадаў, што прэмія «РадыёТрыумф» у пэўнай ступені фіксуе дасягненні таго ці іншага гульца на беларускім радыёландшафце. «У нас дастаткова шмат годных радыёстанцый, прафесійных, рознафарматных. Сёння перамогуць наймацнейшыя», — адзначыў першы намеснік кіраўніка Адміністрацыі Прэзідэнта.

Якія задачы сёння выконвае радыё? «Інфармаваць, растлумачваць і навучаць людзей з дапамогай ненадакучлівых праграм і фарматаў, размовы дыджэяў і іншых вядучых. Таксама задачы забаўляць, фарміраваць сучасную музычную індустрыю, папулярызуючы тых ці іншых выканаўцаў беларускай, у першую чаргу, эстрады, прасоўваючы іх хіты», — падкрэсліў Уладзімір Пярцоў.