Так, інфляцыя ў Беларусі запавольваецца трэці месяц запар, склаўшы 5,6 % год да года ў лютым 2026-га пасля 6,4 % у студзені. 

— Асноўным фактарам зніжэння агульнага росту цэн стала запаволенне інфляцыі ў сектары паслуг — да 5,4 % год да года пасля 8,2 %, што звязана з пераносам планавага павышэння тарыфаў на ЖКП са студзеня на сакавік, — адзначаецца ў дакуменце. — Захоўваецца тэндэнцыя запаволення росту цэн на нехарчовыя тавары — да 2,1 % год да года пасля 2,5 %, чаму спрыяе захаванне моцнага беларускага рубля. 

Аналітыкі адзначылі, што паскарэнне росту цэн на сезонную гародніну і садавіну — да 5,6 % у гадавым вылічэнні пасля 3,7 % — захавала харчовую інфляцыю ў лютым (8,7 % год да года) блізкай да ўзроўню студзеня. 

У завяршэнне ў ЕАБР спрагназавалі інфляцыю ў Беларусі ў 2026 годзе ніжэй за абноўленую мэту (7 %).