З 6 па 9 ліпеня на міжнароднай прамысловай выстаўцы «ІНАПРАМ-2026» на Урале БЕЛАЗ прадстаўляе інтэрактыўную экспазіцыю, у якой індустрыяльная моц, інавацыі і сучасны выставачны фармат аб’яднаны ў адзіным вобразе высокатэхналагічнага сусветнага брэнда кар’ернай тэхнікі.

У цэнтры ўвагі на стэндзе БЕЛАЗ — дэталёвая інфармацыя аб галоўнай навінцы года, 220-тонным кар’ерным самазвале БЕЛАЗ-7530Р на звадкаваным прыродным газе (ЗПГ). Для лідара беларускага машынабудавання выпуск гэтай мадэлі — важны этап у пашырэнні лінейкі інавацыйнай газаматорнай тэхнікі. Гучная прэм’ера адбылася ў чэрвені на профільнай выстаўцы ў Кузбасе.

Для кампаніі БЕЛАЗ уральская выстаўка — перспектыўная бізнес-платформа па наладжванні дзелавых кантактаў, супрацоўніцтва з новымі партнёрамі і пашырэнні рынку збыту прадукцыі. Дэлегацыя на чале з генеральным дырэктарам Сяргеем Лесіным прыме актыўны ўдзел у насычанай дзелавой праграме. Панэльныя дыскусіі, профільныя сесіі, выстаўкі і перагаворы нацэлены на ўмацаванне партнёрскіх сувязей і абмеркаванне будучыні індустрыі.

Мультымедыйныя фарматы, дэталёвыя макеты і віртуальны асістэнт на лічбавым стэндзе БЕЛАЗ у МВЦ «Екацярынбург-ЭКСПА» даюць магчымасць наведвальнікам вывучыць тэхнічныя характарыстыкі і перавагі тэхнікі БЕЛАЗ. Асаблівы акцэнт зроблены на інавацыйных машынах, якія выходзяць за рамкі класічных стандартаў: самазвалах на ЗПГ, акумулятарных батарэях, вадародзе і з гібрыднымі сілавымі ўстаноўкамі.

Непасрэдна з выставачнага стэнда на Урале госці змогуць адправіцца ў VR-падарожжа па зборачных цэхах завода БЕЛАЗ. А ў магазіне BELAZ, які працуе на пляцоўцы, можна купіць сувеніры і калекцыйныя мадэлі тэхнікі.