Летам прадстаўнікі Маладзёжнага савета пры ЦВК і пераможцы Рэспубліканскай алімпіяды па пытаннях тэорыі і практыкі выбарчага працэсу правядуць серыю адукацыйна-інтэрактыўных сустрэч з выхаванцамі аздараўленчых лагераў па ўсёй краіне. Старт маштабнай ініцыятыве, якая рэалізуецца ў ходзе рэспубліканскай акцыі «Крок да поспеху», дадзены 8 ліпеня ў Бабруйскім аздараўленчым лагеры «Мара».

У ходзе сустрэч арганізатары ў даступнай і займальнай форме пазнаёмяць маладое пакаленне з ключавымі прынцыпамі выбарчай сістэмы Беларусі. Юныя грамадзяне даведаюцца, як фарміруюцца органы ўлады, чаму важны голас кожнага выбаршчыка і якім чынам электаральныя працэсы ўплываюць на развіццё дзяржавы. Атрыманыя веды дзеці замацуюць на практыцы, прыняўшы ўдзел у гульнявым галасаванні. Дзеці змогуць зрабіць свой выбар на карысць аднаго з сімвалаў Беларусі.

Сустрэчы ў такім фармаце пройдуць ва ўсіх абласцях. Яны прызначаны фарміраваць прававую культуру і актыўную грамадзянскую пазіцыю ў юных грамадзян Беларусі.