Анатоль Ісачанка адзначыў, што тэма палявых работ застаецца на кантролі ў кіраўніка дзяржавы.

«На сённяшні дзень масавая ўборка збожжавых і зернебабовых культур Магілёўскай вобласці завершана. Нам засталося прыбраць каля 1, 8 тыс. га. Гэта ў асноўным познеспелыя гатункі пшаніцы, — распавёў старшыня аблвыканкама. — Я думаю, да канца тыдня мы ўсё прыбярэм».

Аднак праца на гэтым у рэгіёне не заканчваецца. «Мы пачалі ўборку цукровых буракоў, бульбы. Актыўна працуем з кукурузай на сілас, ужо каля 8% прыбрана. Вядзем узворванне пад азімыя культуры, нам трэба будзе падсеяць 233 тыс. га. На сённяшні дзень узарана 30% і шэраг рэгіёнаў прыступіў да сяўбы азімых культур», — працягнуў Анатоль Ісачанка.

Паралельна з гэтым у рэгіёне рыхтуюць насенне. «Сямёнамі мы забяспечаны ў поўным аб’ёме», — адзначыў старшыня аблвыканкама.

Працягваюцца работы па ўнясенні ўгнаенняў, узняцці лёну, уборцы саломы з палёў.

«Усе работы, якія на сённяшні дзень неабходна выконваць па тэрмінах, мы робім. Крыху пазней прыступім да ўборкі кукурузы на зерне. Каля 40 тыс. га плануем. Паспяванне ідзе нядрэнна, мы думаем таксама ўзяць нядрэнны ўраджай. А далей зябліва, — пералічыў Анатоль Ісачанка. — Таму ўвесь комплекс асенне-палявых работ у Магілёўскай вобласці ідзе ў графіцы».