Галоўная тэма кангрэса — барацьба з распаўсюджваннем ідэй фашызму і нацызму ў сучасным свеце, умацаванне міжнароднай бяспекі і абарона гістарычнай праўды.

26 чэрвеня пройдзе пленарнае пасяджэнне кангрэса ў Цэнтральным доме афіцэраў Узброеных Сіл Беларусі. Плануецца, што ў ролі спікераў у вочным фармаце і ў рэжыме відэаканферэнцыі выступяць прадстаўнікі некалькіх дзясяткаў краін. Сярод запрошаных гасцей — ветэраны Вялікай Айчыннай вайны і былыя непаўналетнія вязні фашысцкіх канцлагераў.

У гэты ж дзень тут пройдуць тэматычныя выставы, адкрытыя для ўсіх ахвотных з 10.00 да 17.00. Свае экспазіцыі прадставяць Нацыянальная акадэмія навук, Нацыянальная бібліятэка Беларусі, Беларускі дзяржаўны архіў кінафотафонадакументаў, Міністэрства абароны Беларусі. Таксама запланавана выставачная экспазіцыя ад ваеннага ведамства Расійскай Федэрацыі.