Спікер выказала ўпэўненасць, што ва ўмовах крызісу міжнародных адносін парламентарыі павінны стаць актыўнымі абаронцамі сацыяльна-эканамічных правоў чалавека, Спрыяць развіццю справядлівасці і салідарнасці, захаванню міру і спакою на міжнародным узроўні. 

«Парламенты як архітэктары сацыяльнай палітыкі павінны актыўна прымаць законы, накіраваныя на абарону правоў грамадзян, забеспячэнне сацыяльнай роўнасці, стварэнне ўмоў для годнага ўзроўню жыцця, а таксама падтрымку ўразлівых слаёў насельніцтва і прасоўванне ўстойлівага развіцця грамадства», — падкрэсліла Наталля Качанава, адзначыўшы, што ў аснове дзяржаўнай палітыкі Беларусі заўсёды быў, ёсць і будзе чалавек, яго інтарэсы і патрэбы.

Так, за тры з невялікім дзесяцігоддзі пабудавана сапраўды суверэнная і незалежная дзяржава. Беларусь дабілася поспехаў, якімі ганарацца сучаснікі і будуць ганарыцца будучыя пакаленні беларусаў. 

«Сёння Беларусь гучыць горда — гэта краіна вялікіх магчымасцяў, краіна для жыцця. І наш народ глыбока ўдзячны за праводзімую палітыку ў краіне лідару — Аляксандру Лукашэнку. І ў парламенцкай дзейнасці мы кіруемся прынцыпам-законы павінны быць справядлівымі, ісці ад жыцця і прымацца ў імя людзей, у імя кожнага чалавека. Даступная для ўсіх і кожнага медыцына, адукацыя, якасныя прадукты харчавання — не проста даброты, гэта асноватворныя каштоўнасці, да якіх беларусы ўжо даўно прывыклі як да неад’емных элементаў паўсядзённага жыцця, якія з’яўляюцца вынікам паслядоўнай сацыяльнай палітыкі. Нашы прыярытэты нязменныя», — запэўніла старшыня Савета Рэспублікі.

Беларусь была і застаецца міралюбнай краінай, і ў міжнародных кантактах, як акцэнтавала Наталля Качанава, беларускія парламентарыі прасоўваюць ідэі мірнага добрасуседства, раўнапраўнага і справядлівага міждзяржаўнага супрацоўніцтва. З гэтага пункту гледжання, сацыяльнае развіццё і справядлівасць, дасягненне Мэтаў ўстойлівага развіцця патрабуюць глабальнага супрацоўніцтва. «Парламенты павінны актыўна ўзаемадзейнічаць адзін з адным, абменьвацца вопытам і лепшымі практыкамі, ствараючы сетку адзінства і салідарнасці», — нацэліла спікер.

На думку старшыні Савета Рэспублікі, мэтазгодна максімальна аб’яднаць намаганні для абмеркавання і распрацоўкі сумесных ініцыятыў. «Стварэнне ў рамках Міжпарламенцкага саюза нефармальнага аб’яднання — групы сяброў мірнага і стваральнага развіцця — магло б стаць новым вектарам парламенцкай сілы-парламенцкай дыпламатыі — у справе ўмацавання міжнароднага ўзаемаразумення. Пераарыентацыя сродкаў з мілітарызацыі на развіццё сацыяльнай палітыкі можа значна палепшыць якасць жыцця людзей і ўмацаваць стабільнасць грамадства. Замест укладанняў у зброю і ваенную інфраструктуру гэтыя рэсурсы трэба накіраваць на ключавыя напрамкі сацыяльнай сферы: адукацыя, ахова здароўя, абарону мацярынства і дзяцінства, дзяржаўную падтрымку ўразлівых слаёў насельніцтва. Такі падыход здольны аб’яднаць міжнародную супольнасць вакол стваральных мэтаў і забяспечыць доўгатэрміновае развіццё, мір і бяспеку нашых краін», — рэзюмавала спікер.

Фота БелТА