«У такія дні, калі мы прымаем важныя палітычныя рашэнні ўсе разам, мы па-асабліваму адчуваем сваё адзінства. Адзінства ўсяго народа ў імкненні захаваць сваю любімую краіну суверэннай, незалежнай, свабоднай. Для гэтага кожны павінен рабіць сваю справу на сваім працоўным месцы. Трэба сумленна і адказна ставіцца да таго, што ты робіш. І тады і краіну захаваем, і людзі будуць адным цэлым, і мы будзем адчуваць падтрымку адно аднаго, што вельмі важна», — сказала Наталля Качанава.

Яна звярнула ўвагу на адчуванне свята ў дзень выбараў. «Гэта асаблівы дзень, калі кожны чалавек, разумеючы меру сваёй адказнасці, можа выказаць сваю волю, імкненне зрабіць сваю краіну лепшай, стабільнай, спакайнейшай. Гэта асаблівая місія, якая ўскладзена на кожнага з нас. Мы вызначаем наша далейшае развіццё, разам прымаем вельмі важныя і патрэбныя рашэнні для нашай краіны», — адзначыла старшыня Савета Рэспублікі.