Што датычыцца конкурсу аратых, то арганізатары прадугледзелі дзве намінацыі «Лепшы араты сярод трактарыстаў-машыністаў сельскагаспадарчай вытворчасці» і «Лепшы араты сярод навучэнцаў устаноў адукацыі». Па аналагічным прынцыпе выбіраюцца пераможцы каманднага першынства: сярод дзеючых работнікаў і сярод навучэнцаў. Для ўдзелу ў конкурсе запрашаюцца супрацоўнікі сельскагаспадарчых арганізацый, навучэнцы ўстаноў вышэйшай, сярэдняй спецыяльнай і прафесійна-тэхнічнай адукацыі на напрамку «Сельская гаспадарка».
Конкурс праводзіцца штогод для папулярызацыі прафесіі трактарыста-машыніста сельскагаспадарчай вытворчасці, удасканалення прафесійнага майстэрства і практычных навыкаў па выкарыстанні сучаснай тэхнікі, распаўсюджвання лепшага вопыту.
У конкурсе «Лепшы племянны конь» удзельнічаюць суб’екты племянной жывёлагадоўлі краіны. Арганізатары прапануюць для ўдзелу наступныя намінацыі: «Лепшы племянны жарабец», «Лепшая племянная кабыла», «Лепшы племянны маладняк» і «Лепшая племянная гаспадарка».
Галоўныя задачы конкурсу — ацэнка жывёл асноўных парод племянных коней, якія разводзяцца ў Беларусі, папулярызацыя дасягненняў селекцыі ў каняводстве, садзейнічанне эфектыўнаму выкарыстанню генетычнага патэнцыялу племянных коней на тэрыторыі краіны.
