Новая тэхналогія дазволіць забяспечыць сувяззю нават цяжкадаступныя куткі. Праект часта называюць аналагам Starlink. Як адзначыў Павел Ткач, калі распрацоўшчыкі наросцяць групоўку спадарожнікаў да ўзроўню, здольнага забяспечыць бесперапыннасць і якасць сувязі, паслугу можна будзе рэалізоўваць як камерцыйную, у тым ліку на тэрыторыі Беларусі. «Зусім нядаўна некалькі ўстройстваў было перададзена для тэсціравання. Пакуль мы іх разглядаем у спецыяльных органах, у прыватнасці, яны могуць быць выкарыстаны ў МНС», — расказаў ён.

Павел Ткач прывёў у прыклад ураган, які парушыў электразабеспячэнне ў Мазыры. Без сувязі было складана каардынаваць работы па вывазцы дрэў, аднаўленні сетак. «Наша сувязь, на жаль, працавала да таго часу, пакуль акумулятары трымалі электрычнасць. Затым іх даводзілася перазараджаць. Мы выязджалі, перазараджалі, але гэтага не хапала», — растлумачыў ён і дадаў, што ўстройствы, якія перададзены для тэсціравання, дазваляюць хутка разгарнуць тэрмінал або атрымаць сувязь — ці гэта будзе інтэрнэт, відэасувязь або тэлефанія.

«Распрацоўка, на нашу думку, сучасная, прагрэсіўная, адпавядае сусветным стандартам. Акрамя таго, там пэўныя тэхналогіі выкарыстоўваюцца, я нават сказаў бы, якіх няма ў таго ж Starlink. І мы мяркуем, што наступнае абсталяванне, якое будзе перададзена нам, паглядзім на магчымасць прымянення ў грамадзянскіх мэтах для забеспячэння сувязі», — расказаў Павел Ткач.

Разам з тым спадарожнікавая сувязь даражэйшая, чым валаконна-аптычная. Яна арыентавана ў асноўным не на фізічных асоб, а на прадпрымальнікаў, у якіх ёсць неабходнасць у такой паслузе. Яны могуць плаціць крыху больш.