У праграме работы ў Беларусі ў кіраўніка расійскага рэгіёна ў тым ліку наведванне прадпрыемстваў «Белкамунмаш» і МАЗ. Размова не проста пра азнаямленчы візіт, а пра абмеркаванне канкрэтных прапаноў па развіцці супрацоўніцтва.

Цяпер у Калінінградскай вобласці будуецца адзін з буйнейшых заводаў па вытворчасці акумулятарных батарэй для электратранспарту. «Электрыфікацыя транспарту — адзін з ключавых напрамкаў сёння. Мы з міністрам прамысловасці (Беларусі. — Заўвага БелТА) абмяркоўвалі, што Прэзідэнт паставіў сур’ёзную задачу па росце электрыфікацыі тут, у Беларусі. Мы гатовы прапанаваць сваю батарэю, каб яна выкарыстоўвалася ў транспарце ў Беларусі, і абмеркаваць сумесныя праекты, звязаныя з гэтым», — заявіў Аляксей Бяспрозванных.

Ён адзначыў, што рэгіён таксама набывае ў Беларусі розную тэхніку, у тым ліку дарожна-будаўнічую, для патрэб сельскай гаспадаркі.