Пашырэнне зоны платнай паркоўкі ў Мінску плануецца, расказаў Андрэй Зыранаў. «Цяпер у нас тры зоны, умоўна чырвоная, жоўтая і зялёная. Чырвоная — самыя запатрабаваныя месцы ў суперцэнтры: Верхні горад, Замкавая вуліца, Траецкае прадмесце. Жоўтая — межы першага транспартнага кальца, цэнтр горада. Зялёная — паміж першым і другім транспартнымі кольцамі. Кошт градзіраваны: самае дарагое — чырвоная зона, потым жоўтая, потым зялёная», — растлумачыў гендырэктар.

Андрэй Зыранаў адзначыў, што жыхары і работнікі цэнтра адчулі пэўныя нязручнасці, але праблема занадта запатрабаваных вуліц інакш не вырашаецца: калі даць магчымасць паркавацца ўсім без абмежаванняў, вуліцы проста ўстануць.

«Планы на бліжэйшы час — дадаць да 10 тыс. месц да канца гэтага года. Мы ведаем, куды і як, але працэс няхуткі: па ўказе Прэзідэнта любое ўвядзенне зоны платнай паркоўкі патрабуе дадатковых мерапрыемстваў па павышэнні бяспекі дарожнага руху, адпрацоўцы прылеглых дваровых тэрыторый. Увод кожнай зоны ўзгадняецца з мясцовымі ўладамі і Дзяржаўтаінспекцыяй. Знакі павесіць нескладана, а вось зрабіць так, каб зона вырашала праблемы, а не стварала новыя, — задача няпростая. Але разуменне з усімі бакамі ёсць, і работа ідзе», — сказаў на заканчэнне ён.