Аляксандр Ягораў звярнуў увагу, што ў 2025 годзе «фінансавы ландшафт» фундаментальна змяніўся. Кожную секунду ажыццяўляецца 120 транзакцый. «Агульная колькасць банкаўскіх картак у абарачэнні перавысіла вялікую адзнаку ў 20 млн. Гэта азначае, што на кожнага дарослага жыхара краіны прыпадае некалькі высокатэхналагічных плацежных інструментаў. З гэтага аб’ёму больш як 9 млн картак — наш нацыянальны прадукт, карткі сістэмы „Белкарт“. І самы важны якасны паказчык: больш як 73 працэнты ўсіх аперацый па картках сёння — менавіта безнаяўныя плацяжы. Мы практычна адышлі ад наяўных грошай у штодзённым ужытку», — адзначыў першы намеснік старшыні праўлення Нацыянальнага банка.

Ён дадаў, што за сухімі лічбамі стаіць каласальная праца сотняў тысяч людзей — праграмістаў, інжынераў, аналітыкаў, а за кожнай транзакцыяй — складаныя серверныя фермы, тысячы кіламетраў абароненых каналаў сувязі і вялікія энергетычныя рэсурсы.

«Многія памылкова лічаць, што грошы ляжаць прама ў картцы. Вядома, гэта не так. Картка — гэта персаналізаваны ключ, своеасаблівае проксі-ўстройства або высокатэхналагічны ідэнтыфікатар. Яна з’яўляецца мостам паміж банкаўскім рахункам, дзе фізічна зафіксаваны сродкі, і ўстройствам прадаўца», — адзначыў Аляксандр Ягораў.

Паводле яго слоў, сёння картка — паўнацэнны мікракамп’ютар. Чып працуе па стандарце EMV, не проста захоўвае даныя, а выконвае складаныя крыптаграфічныя алгарытмы. Пры транзакцыі генерыруе ўнікальны код, што забяспечвае высокі ўзровень абароны даных.