У Магілёве ў Палацы гімнастыкі з 17 па 21 лістапада пройдуць адкрытыя рэспубліканскія спаборніцтвы «Турнір спартыўнай славы» па спартыўнай гімнастыцы. Пра гэта БелТА расказалі ў Магілёўскай гарадской СДЮШАР «Багіма» ім.А.Г. Мішчанка.
Мерапрыемства прыме каля 120 наймацнейшых гімнастаў з Беларусі і Расіі. Турнір праводзіцца Магілёўскай гарадской СДЮШАР «Багіма» ім. А.Г. Мішчанка пры падтрымцы Беларускай асацыяцыі гімнастыкі, аддзела спорту і турызму Магілёўскага гарвыканкама і Магілёўскай гарадской арганізацыі РГА «Белая Русь».
Спаборніцтвы пачнуцца 18 лістапада з афіцыйнага апрабавання месцаў правядзення, а асноўныя выступленні пройдуць 19-20 лістапада. У праграме — мнагабор’е сярод сеніёраў, юніёраў, юнакоў і дзяўчат, а таксама фіналы ў асобных відах. Парад адкрыцця турніру адбудзецца 19 лістапада ў 15:00, цырымонія ўзнагароджання і парад закрыцця — 20 лістапада ў 14:00.
