З пачатку года ў Беларусь прыбылі 184 939 замежных грамадзян з 38 дзяржаў, уключаных у спіс бязвізу. Госці з краін-суседак — у большасці.

«Усяго з 15 красавіка 2022 года нашу краіну наведалі 1 443 108 жыхароў еўрапейскіх краін. З Латвіі прыбылі 458 127 замежнікаў, з Літвы — 728 810, а з Польшчы — 162 673. У рамках пашыранага бязвізу для 35 еўрапейскіх дзяржаў з 19 ліпеня 2024 года ў Беларусь заехалі 93 498 чалавек», — прывялі даныя ў ведамстве.

У ДПК нагадалі, што кіраўніком дзяржавы прынята рашэнне пра прадаўжэнне бязвізавага ўезду для грамадзян 38 еўрапейскіх краін да 31 снежня 2026 года ўключна. Падрабязная інфармацыя пра бязвізавае наведванне Беларусі размешчана ў спецраздзеле партала Дзяржпагранкамітэта.